Julepyntrydding!!


Google. Jeg fant ikke en passende illustrasjon til min misere.

Ja, så måtte det endeleg hende
at gamlegubben gjekk overende
Det gjekk i ei snøggfort vende
til han låg på golvet og spende.

Julepynten skulle ned i ein fei,
og gubben fann ein enkel vei.
Oppå ein krakk, ikkje altfor brei,
den jobben skulle vera grei.

Men gubben gløymer alder og år,
når han oppe på krakken står.
Balansen hans hadde veike kår,
der han strekte seg på  skjelvande lår.

Det gjekk nett som det kunne,
Brått var føtene under han svunne.
Hadde endedagen no opprunne,
hadde alderdommen omsider vunne?

Han låg på golvet, stunde og skreik.
Frua kom ilande skremd og bleik.
Dette som skulle gå som ein leik
vart ein heil annan steik.

Heile høgre sida var kaputt,
skadeoppteljing laut gjerast tilslutt.
Dagen vart smertefull og mutt,
og skadelista vart ikkje stutt.

Ei kraftig lårhøne fyrst på lista
så var to-tre ribbein brista
leddband i oksla kom sist på lista.
Ikkje rart at skrotten rista.

Så vart lekjaren konsultert,
og diagnoser vart adressert.
Medisin vart fort advisert,
Paralgin Forte vart aktivert.

Trur de at julestasen fekk fred,
når gubben ned frå krakken «gled»?
Nei, julepynten kom omsider ned
det var kjerringa som greidde det.

No sit han i stolen, pleier sine sår,
brista ribbein og lårhønelår.
Julestasen trygt i boden står.
godt det er lenge til neste år.
07.01.2020.M-m.

 

Årskavalkade 2019.

 

 

 

 

Det er tid for eit lite årssamandrag att. Som vanleg gav året mykje å velja i, men gubben laut gjera eit kort utval frå sine hymner, og her kjem dei.
Det fyrste som laut kommenterast var at mange av skitoppane våre heldt seg borte frå NM på ski, andre konkurransar gav antakeleg eit meir veldekka premiedbord.
Så var det partikrangel og navnebyte for vårt kjære NSB. Norte Dame brann…
I politikken skapte bompengepartia og dei grøne furore, og me fekk eit skammens år på fleire område.
Året ebba ut med NAV-skandalen, og ikkje minst sjølvmordet til ein fargerik kunstnar:
Resten av gubben sine funderingar gjennon året finn de på bloggen hans.


Google

Januar.
Går idrotten seg no heilt bort,
vert det for mange konkurransar?
Er ikkje NM-gull lenger stort.
Vert det for mange gullkalvdansar?
Me har fått ein ny underhaldningsindustri.
Og tida, sunn lekam i sunn sjel er forbi.

Februar.
Me-too-Trond vil no innatt i varmen,
men Jonas får truleg pes for det.
Knut Arild står rådlaus i dørkarmen
I Krf vert visst ingen borgarfred.
Nokon i venstre vil kasta ho Trine.
Ho slit nok med tillit frå veljarane sine.

Mars.
Gratulera med navnebytet NSB,
Her har de treft midt i blinken.
Kven i alle dagar fann på det,
var heile styret for hard på drinken.
Kva i alle dagar skal Vy  bety?
Det er så dumt at ein kunne spy.

April.
Å sjå Notre Dame i eit flammehav
var eit utruleg og sørgjeleg «skue».
Ein kristen verdsarv fall mest i grav,
Kan tenkte ho då, Vår Frue?
Anten ein er truande eller ateist
var dette gripande og useieleg trist.

Mai.
Rundt Bergen vert bompengekorta stokka,
bomstasjonar vert bygd og flytte.
Politikarar snik rundt på silkesokkar,
motstandarar står med nevane knytte.
Motstanden seier no at «Nok er nok»,
og spår snarleg politisk ragnarok.

Juni.
Snåvar du skamlaus gjennom dagen,
skjems du slett ikkje over å fly,
eller å putta raudt kjøt i magen?
Du kan visst berre reisa skamlaust med VY.
Eg nektar å skjemmast over biffen i ny og ne,
eg vil reisa og eta min mat i skamlaus fred.

Juli.
Jaggu kom sumaren omsider,
med tropevarme og brennheit sol.
For gubben vart det litt varmt til tider,
men godveret fekk han ut or sin stol.
Klag ikkje på ei og anna tropenatt.
Ver trygg, vestlandsveret er fort over oss att.

August.
No skal det verta sengehalmkommers
for Viagraen skal sleppast laus.
Gamle gubbar, de skal no «til pers»,
heite sengjer der dei tidlegare fraus.
Vin til middag og Viagra til natta.
ei gladsak gamlingen snautt kunne fatta!

September.
Her heime har det vore kommuneval
etter ein heftig valkampstrid.
Atter var dei gamle og ungane for sal
Dei vert framgravne i valkamptid.
Men ho Lan og han Trym tok siste stikk,
No gjeld visst grønske og bompolitikk.

Oktober.
Trekk i tilskot til tenner og briller,
statsbudsjett si store kranglesak.
Tilskot til sexsikringspiller
og opposisjonen vakna med eit brak.
Regjeringa krangla på kvar sin taburett,
og vips, fekk me årets statsbudsjett.

November.
Er du NAV-ar eller NAV-turist
lyt du passa deg i desse dagar.
Fleire slike har fridomen misst.
Her hjelpte korkje bøner eller klagar.
Rettsvesenet  vårt gjekk seg vill i «lova».
Sjølv høgsterett la seg visst til å sova..

Desember.
Han var ven, kunstnar og fargeklatt,
ein mangslungen, modig person.
Brått mørkna det og vart svartaste natt,
livet stogga på sjølvbygd endestasjon.
Samstemd vert nok hans nekrologi.
«Trist som faen» vart hans sorti.
31.12.2019.M-m.

Desemberhymne 2019.


Trass i krangel om skuleungane skulle gå til kyrkjes før jul, og om me laut eta bønner og stalatblandingar til julemat kom nissen til huset også denne jula, pinnekjøt og nokre gåver vart det også.
At ei frostkløyvd nase fekk prega avisene i julestrida kan ein godt forstå når to, litt tilårskomne karar har ein førjulstur over polhavet. Jaja, nokre andre hendelsar finn de i hymnet.
Så vil eg ynskja dei få bloggvenene eg har att eit godt nyttår, og takk for rosen som kom i gamleåret.

  1. Desemberhymne 2019. 

    To gubber slit med isen i nord;
    beinkalde skrottar og slunkne bord.
    Borne av media siste stykkjet
    letta kanskje einsemdstrykkjet.
    Ei bragd kanskje, men var det krise?
    Trong me nasa hans Børge i dagleg reprise.
     

    Krise var det samstundes litt lenger sør
    ambulanseberedskapen i Finmark blør.
    Der bør du sanneleg ikkje bli sjuk
    for ambulanseflya er ikkje til bruk.
    Kva sak er viktigast for media å avduke?
    Iskalde gubbar eller livstrugande sjuke.
     

    Sentralisering er noko styggedom,
    det meiner eit av våre største parti.
    Er det ikkje då ein «skivebom»
    å nett kalla seg senterparti.
    Sjølv om det er eit stort paradoks
    er nok desentraliseringsideologien i boks.

    Julestridene er over oss att,
    «skulegudsteneste» og julemat bør bort.
    Unge venstre tek «skulegudstenesta» fatt;
    skuleborn lyt vernast mot julebodskapen fort.
    Skal jula berre verta fjas og «kommers»
    er eg redd ho snart syng på siste vers.


    Men utruleg, trass i krangel, stress og kav
    vart det julekveld i landet til sist.
    Frå å striro på eit reklamebomba hav
    kom freden du trudde du hadde misst.
    Då sølvgutar og ribbelukt seig inn i stova
    slapp freden inn, og julestrida fekk sova.

     


Google

PS.

Han var ven, kunstnar og fargeklatt,
ein mangslungen, modig person.
Brått mørkna det og vart svartaste natt,
livet stogga på sjølvbygd endestasjon.
Samstemd vert nok hans nekrologi.
«Trist som faen» vart hans sorti.
31.12.2019.M-m.

Litt førjulskultur..

I ei, selv for pensjonister, ganske hektisk førjulstid hvor kulturelle tilbud som julekonserter står på de flestes programmer var det en flott avveksling å bivåne ballettforestillingen “Nøtteknekkeren” i Grieghallen i går kveld.
Selve balletten ble fremført av unge dansere fra Bergen kulturskole, Den norske ballettskole etc, og Bergen Filharmoniske Ungdomsorkester hadde ansvar for den musikalske delen.
Det ble en kveld med musikk – – ballettkunst på høyt nivå og gubben reiste hjem med smilet om munnen.
Bor du i Bergen spilles de to siste forstillingene i dag/ettermiddag så det er bare å kaste seg på om det fins billetter.
Ha en fortsatt god førjulstid, kjære bloggvenner.

Black friday, “blakk” monday.

Mykje godt har me sikkert fått frå USA, både i krig og i fred. Likevel er det freistande å undrast litt over dei siste importvarene frå “over there”. Dei gav meg i alle høve grunnlag for nokre enkle refleksjonar. Illustrasjonane er tekne fram frå Google.

Black Friday, blakk laurdag.

Halloween er over oss alle
med graskar, knask og knep.
Handelen let sine lokkesongar gjalle,
foreldre spring rundt med poden på slep.

Nye masker og drakter kvart år
når den håpefulle fer på tiggarferd.
Snart utafor dørene dei står
utan snop er du lite verd.

Uskuldig morro kan me nok seia
Men kven sjekkar kontoen og flirer.
Jau, handelen skor seg på heile greia
og mot aukande pengebunke smiler.

Black Friday, kredittkortets marerittdag.
Butikkar som kokande heksegryter
av kundar i åndlaust tilbodsjag,
med konto som pengefull tyter.

Gubben skal berre handla ei skjorte,
eit plagg som høver alder og stand.
Men framme ved disken er skjorta borte.
Ho hamna i skåpet til ein annan mann.

At skjorta vert borte gjer ikkje stort,
det heng ti att heime i skapet.
Då er det at refleksjonen kjem fort,
lar me oss sluka i det store tilbodsgapet.

Trump har verda også fått frå USA,
ein twitrande kverulantisk lauskanon.
Er du ueinig seier han.: Drit og dra.
Legg seg ut med nasjon etter nasjon.

Men USA eksporterer godsaker og,
ein Tesla er send opp til Vårherre.
Så no gjer han CO2-frie himmelflog,
i si miljøreine amerikanske luksuskjerre.

Så er det at gubben spør seg sjølv.
Har me bruk for meir stress og kav.
Treng me samla så mykje sølv
med stasjfulle heimar og plasfylte hav.
03.12.2019.M-m.

Novemberhymne 2019


Gubben har inntatt ferieposituren. Venner i bakgrunnen.

Det er tid for nytt hymne, novemberhymnet. Det er nok å ta av denne månaden også.
Det siste eg las var at på skulen i Seljord skal ikkje elevane bruka ordet julemat, her er det tradisjonsmat som gjeld. Kor langt skal galskapen gå ?  Eg berre spør. Skal me snart skamma oss over jula også i desse skamlause tider?
Elles har denne brannfansen snart heile sesongen vore vonbråten over dei dårlege prestasjonane til favorittlaget Brann som toppa seg med eit braktap denne helga.
Gubben kjenner at vinterdepresjonen ligg og lurer. Kanskje han må ta ein ny skamlaus flytur til sol og varme snart for å dempa dei verste symproma – ja, dersom NAV tillet det då!
Her er i alle høve nokre av sakene gubbe ikkje skammar seg over å harsellera litt med.:

  1. November 2019.
    Så greidde han å drita seg ut
    sjølvaste sjefen for PST.
    Ulovleg våpen hjå den øvste fut,
    at det går an, eg skjøner ikkje det.
    Han bør nok finna noko anna å gjera
    som ikkje kjenner ansvaret han skal bera.

    Er du NAV-ar eller NAV-turist
    lyt du passa deg i desse dagar.
    Fleire slike har fridomen misst.
    Her hjelpte korkje bøner eller klagar.
    Rettsvesenet vårt gjekk seg vill i «lova».
    Sjølv høgsterett la seg visst til å sova..

    Har du høyrt om UiB’s julebord i år,
    Der vert servert vegetar og fisk.
    Altså korkje svineribbe eller får,
    for kjøt er bannlyst på bord og brisk.
    Har verkjeleg kjøtskamma vorte så stor
    at me kastar ut vårt tradisjonsrike julebord?

    Miljøhovudsraden legg stein i gata,
    Grynerløkka skal no pyntast opp.
    Norsk stein er visst «non grata»,
    kinesisk gatestein vart meir pop.
    Rundt halve kloden skal steinen fraktast
    medan biltrafikken i byen skal slaktast.

    Er du lei av å vera direktør;
    for mykje ansvar, kritikk og mas?
    Sørg for at lommeboka ikkje blør,
    kvar finn du så det grønaste gras?
    Få deg ein rådgjevarjobb i nye VY,
    og du er framleis på lønstoppens aveny.

    Frua og gubben har vore på tur,
    denne gongen til sol og varme.
    Giktbrotne skrottar fekk ein kur.
    Jau, haustturen har sin sjarme.
    Skamlause tok me fly ned til sola,
    seglbåten vart for treg for han Ola.

    30.11.2019.M-m.

Han bles…..!


Google

I dag kom han over oss, hauststormen, og regnet bøttar ned.
Gamle gubbar held seg helst i hus i det verlaget. og då er avisa god tidtrøyte.
Der finn ein mangt som kan trenga ein kommentar:
Til dømes strevar politikarane framleis med å  skaffa seg nytt byråd, no halvtanna månad etter kommunevalet.
Elles kranglar venstre både om ny leiarkabal og med sperregrensa. Jaja, lukke til,seier gubben.
Lan ser ut til å ha gløymt at ho har ansvar for meir enn bompengane i Oslo, formno sit ho til langt over armane i brot på arbeidsmiljølova i reinhaldseteten, medan ho køyrer rettsak mot firmaet for dei same brota før ho tok over.
Elles fins det mangt å kommentera, men gubben må seia seg nøgd med at han slepp å vera med i politiske bikkjeslagsmålet no. Den tid er over lukkelegvis!

Hauststormen.

Det sler mot ruta og pip rundt nova,
men gubben sit roleg i lune stova.
Skal tru kva som føregår der ute,
medan regnet piskar mot tak og rute.

Han stavrar seg ut etter dagens avis,
den var komen, takk og pris.
Fyrste sida handlar om kommuneval,
å finna bergensordførar er berre bal.

Ho Trine er via andre sida,
leiarval i venstre kjem denne tida.
Der er det fleire om leiarbeinet,
så Trine er så visst ikkje åleine.

Venstrepartiet fornektar seg ei,
partisplitting har vore venstres vei.
Medan me slit med årets influensa
slit partet med å passera sperregrensa.

Reiulf Steen har fått sin biografi,
og den kan avisa ikkje gå forbi.
Snakkis om boka er ikkje politikken,
men om Reiulf tøygde buksestrikken?

Så les eg at Lan slit med lova,
var det i bompengekjøret ho snåva?
Gløymde ho ansvar for renovasjonen,
i den beinharde bompengeagitasjonen?

Så er det eit par sider om Brann,
fortballen fengjer kvar bergensmann.
Krangel og kiv er selgjande stoff
det kostar å vera fotballproff.

Nei, gubben sit roleg og ser ut glaset
ferdig er han med det politiske maset.
Ferdig er han også med dagens avis,
politisk arbeid har framleis sin pris.
22.10.2019.M-m.

Er dette fisken –‘


Foto.: Magnus.

Er dette fiskesorten vi ønsker å dra opp av sjøen i fremtiden.
Dette er blåstål som er utstilt på Kystmuseet på Herdla. Den er lagd av plast som er plukket opp fra strendene. Altså plastsøppel som er kastet på havet, og som har drevet til lands. Den er neppe særlig spiselig eller sunn.
Derimot bør den representere er kraftig påminnelse til oss alle om at plastsøppel ikke hører til i naturen, verken til lands eller til vanns.
Moralen må bli.: Ta med søppelet ditt hjem og lever det på et sted som kan resirkulere, eller avhende det på en trygger måte. Plastsøppel er ikke fiskefor!!

Kveldsstemning på ettersommeren.

Dette første bildet er vel ikke akkurat en illustrasjon av kveldsstemning. Det er nok gubben på vei ut for å trekke krabbeteiner. Fangsten ble ikke noe å skryte over, men lokkematen falt nok ikke krabben i smak. La oss si det sånn, dette er vel en gubbe i solnedgang, men allikevel like spent hver gang teinene skal trekkes..

Her har nok solen forlengst gått i havet, og gubben har fortøyd båten ved naustet. Dette er nok en av de vindstille kveldene i Øygarden.

Noen ildsjeler arrangerer hver sommer en bygdefest for barn i alle aldre også for de som har passert de 80.
Her reises partytelt, man kan grille og levende musikk om kvelden skaper stemning. Flott tiltak!

Jylihymne 2019.


Google

Juli er vår store feriemånad og det ber nok hymnet mitt preg av også. Får satsa på at inspirasjonen sler inn i hovudet i august då valflesket skal delast ut. Eg gler meg allereide. forresten tykkjer eg at forballjentene våre gjorde det flott under forball-VM, All ære til dei og skam til Mini Jacobsen som ikkje tykkjer at dei er verd ei god løn. Då er det vel på¨tide å spørje kva tid testosterongalleriet (mennene) var i eit sluttspel sist, EM, OL eller VM.
God ferie og restsumar!

Julihymne 2019.

Fotball-VM er no slutt,
denne gongen var det for kvinner.
Noreg spelte med innsats og futt,
men USA vart den suverene vinner.
Kvinnefotball fengjer ikkje, var Minis konklusjon.
Det er ei stund sidan han var «luftens baron».

Ripe i lakken for bommotstandsgeneralen,
han skal vera ein olm og ubehøvla mann.
Me må ikkje gløyma om mannen er galen
lyt me for saka fast halda stand.
Me må ikkje døma sak for person.
Hugs, ikkje ein einaste ny bomstasjon.

Det er atter strid om vegar her vest,
pengemangel utset no fleire prosjekt.
Der langt mellom kvar snorklippingsfest,
for fyrst lyt vegbehova i aust verta dekt.
Reis deg vestlending, gå til aksjonar.
meir veg og langt ferre bomstasjonar.

Tobakken er bortgøymt og nøytralisert,
sikkert ein god ting for helsa vår.
Men no vil dei også ha vinflaska kamuflert,
og ølhundane skal få trengre kår.
Me skal vernast frå nytinga og synda,
og metoden er å verta overformynda.

Jaggu kom sumaren omsider,
med tropevarme og brennheit sol.
For gubben vart det litt varmt til tider,
men godveret fekk han ut or sin stol.
Men ikkje klag på ei og anna tropenatt.
Ver trygg, vestlandsveret er fort over oss att.
31.07.2019.M-m.