Beklager, men dette innlegget fikk først feil tittel. Det er ikke oktober – men – novemberhymne. Vel, gammel mann gjør så godt han kan…
Denne månaden trur eg at eg let novemberhymnet stå utan kommentarar frå mi side. Men i inngongen til desember er me spent på om den blå ballongen sprekk. Jaja, time will show, som det heiter.

Google.
Eg lyt spandera eit bilete av denne karen som kjem til å dominera aviser og verdspolitikk, i alle fall dei neste fire åra. Kva tru me har på han kan vel vera tvilsamt…

November 2016.

USA held valkampspetakkel i år.
Der kjempar to underlege kandidatar.
Usmakleg retorikk og skitslenging rår,
mellom republikanarar og demokratar.
Uverdig valkamp, eg bruker det ordet.
Skal slike få pryda verdsstyrebordet?

Nokon seier, val mellom kolera og pest,
og alle ristar oppgjevne på håvet.
Ingen av kandidatane byr opp til fest,
og veljarane riv og slit seg i håret.
Mange gjekk til urna med usmak i munnen,
og eg skjøner dei godt, i grunnen.

Verda vakna til eit veritabelt sjokk
Det vart skitslengjaren som vann.
Hadde veljarane gått over stein og stokk
og vald ein udugeleg og ueigna mann?
Eller var dei lei av politisk pampevelde
og på dette viset si misnøye ville melde?

Ja, tida vil vise kva veg det ber,
Vert det eit løft for middelklassen?
Får dei det betre, «over there»,
eller får rikfolka fylt opp dollarkassen?
Kva så med resten av verda?
Vert den tryggare, eller må me bryna sverda?

Vil du tene millionar i ein fei,
gjev fotballforbundet deg vinnarplanen.
Landslagstrenarjobb er den rette vei,
og brått tilhøyrer du vinnarklanen.
Det er berre å køyra laget i grøfta,
og loket på NFF?s pengekiste vert løfta.

Endeleg skal bergenspolitiet ha honnør,
dei løyser overgrepssaker mot mange små.
Lenge er det granska bak ei lukka dør,
og overgriparar skal framfor domen stå.
Måtte den verta streng og klår.
Løys valdsrama ungar frå sine vonde år.

Årets budsjettfarse sler alle rekordar,
krangelen står i finstova hennar Erna.
Trine og Knut Arild mot dei blåe hordar,
«det grøne skiftet» vil dei verne.
Og AP sit i båten, stilt som mus,
klar til å ta over «det norske hus».
30.11.2016.M-m.