…med blogginga. Det er omtrent halvert dei to – tre siste åra. Rosabloggarane vert borte og går over til andre mediaformer, seiest det. No er det visst berre mammabloggarar og folk mellom 30 og femti som er att. Ja, og så ein gamal gubbe som prøver å halda knollen slik nokolunde “fit for fight”.
No skal det visst vera instagram, twitter og fjesboka som er “i skotet”.
Ettersom både gubben og bloggkulturen no ser ut til å vera utdaterte, kan det vel hende at han lyt finna seg andre fora for å halda toppboksen i slag, og då er visst sjakkspelet in for tida.
Jaja, i den digitale verda skjer ting fortare enn eit gamalt hovud heilt får med seg. No vert den månadlege appanasjen meld oss over data. Godt at ein er pensjonist og har god tid til å leita fram informasjonen om kva NAV tilgodeser lønnskontoen vår med. Men leitinga er stort sett ikkje bryet verd, for overraskinga over beløpet riv oss ikkje ned av stolen. Det viktigaste er at VIPPS, den 20. kvar månad, renn det inn pengar på kontoen.
Nei, klaga skal me ikkje.
Om me skal klaga over den kalde våren er eg ikkje sikker på. Det er vel heller slik at me i iveren etter å sjå vårteikna og byrja med hagearbeidet har gløymt at april førre året også hadde sine frostnetter.
Men sikre vårteikn ser me kvar dag. I dag i 9-tida seig dette vårteiknet (CS Brittannia?) inn mot Bergen…Det vert nok mange tungemål å høyra rundt på Fisketorget i dag, godt oppblanda med lukt av asiatiske matrettar frå salsbodene.
Ha ein fin norsk vårdag…