Google

For nokre år sidan vart dei samde i FN og Nato å bomba ned Gadaffi i Libya, og vesle Noreg gjorde så godt me kunne. Resultatet vart at Gadaffi no er borte, mange sivile fekk smake bomberegnet, og i Libya rår anarkismen i dag.
Same regla omatt i både Afgahnistan og i Irak, krig, bombing og ufred i regi av FN og Nato, men har dei fått fred der borte? Titusenvis av sivile har dei greidd å slakta ned med bombinga. No skal det seiast at irakarar og afghanar greier jobben med å slakta sine medborgarar sjølv, no etter at USA og dei allierte har trekt seg ut, så fred har det slett ikkje vorte.
No har Putin og Russland også teke til våpen, og han har starta å bomba i Syria, noko som amerikanarane har halde på med ei god stund allereie.
Så er det visst med desse bombene at dei ikkje alltid råkar dei måla dei er tiltenkt – eller er det nett det dei gjer?
I alle høve, me høyrer ikkje sjeldan at bombene har råka sivile mål. Er det “vesten” som har feilbomba kjem skjellsorda frå øst, og omvendt.
No har så Putin treft heilt andre mål enn dei tiltenkte, og amerikanarane protesterer på det sterkaste, samstundes som dei sjølv bombar eit sjukehus i Kunduz/Afghanistan i filler med mange døde.
Dette er både tragisk og håplaust. Desse landa nede i midtausten vert bomba attende til middelalderen utan at det stakkars folket der får fred. Kva som må gjerast for å få til fungerande og fredelege statar veit ikkje eg. Det eg derimot veit er at denne aggressive krigføringa slett ikkje fører til anna enn meir ufred. Det må vera godt bevist no etter fleire tiår med krig.
Er det rart at innbyggjarane rømer landa og set ut i vanvittige dødsseglasar over Middelhavet for å prøva å finna seg ei framtid???

For enkel framstilling av eit innfløkt internasjonalt problem, tenkje du. Javel, kanhende, men resultatet av galskapen er klårt i dagen.

Google

Annonsørinnhold

20 bestselgere som garanterer nytelse