…tørr asfalt. MEN, roa deg ned, det var berre under bilen då eg var ute og henta avisa. Rundt bilen plaska det!

Nei, det var turen eg skulle skriva om i dag.
Etter ei god, men kort natts søvn på Thon-hotellet i Kristiansand var det opp ved 6-tida for å koma seg ombord i Superspeeden til Hirtshals.

Her var det berre å setja seg godt til rette i liggjestolen og nyta avisa og overfarten som gjekk unna på vel 3 timar, og dit me kom skein både sol og temperatur.

Som de ser skin sola i hotellhagen på Colorlinehotellet i Skagen. I bakgrunnen ligg badegjestene og solar seg. Nærare sumarhimmelen har, i alle høve ikkje gubben vore denne sumaren.

Altså vart Skagen målet for blåturen vår, og som de ser fins det rikeleg med gjester rundt restaurantborda.

…og mastetoppane vitnar om stor aktivitet av besøkande båtar i havna. Gubben i bakgrunnen går ein tur rundt og beundrar farkostane.

Aktivitet er det også blant måsen som leitar fram og sluker restane frå siste trålhalet til mykje skrik og skrål.

Utan mat og drikke osv…Maritim mat var sjølvsagt meny i Skagen, og desse handreinska rekene var prima.

Gubben laut ha grilla raudspette, og den stod ikkje tilbake for rekene. Drikkevarene snakkar me ikkje meir om enn at den som har vore i Danmark sikkert har fått med seg at danskane kan dette med ølbryggjing.

Ein tur på museet er også obligatorisk når ein er i Skagen, og kunstverka til skagenmalarane er noko av det ypperste av målarkunst frå forrige hundreåret. Det spesielle ljoset på nordspissen av Danmark har trylla fram mange gode bilete.

Grenen er det nordlegaste punktet på Jylland og ut dit laut me gå. Gubben laut ha hjelp av ein strandbuss, men kan likevel skryta på seg at han har vore der ute.

Eit dansk fyrtårn laut me også få med oss. Dette står på Hirtshals/Fyrklit.

Etter tre dagar tok Superspeeden oss heimatt, og på vegen heim…

…vart det kjøttkaker på Haukelisæter. Der fekk me ei kjølig påminning om at ikkje alle stader kunne skilta med sol og strand. Sjølvsagt har fjellivet også sine kvalitetar, men som de ser, er her visst i overkant mykje snø i år.
Eg kan ikkje dy meg, for då me hadde pasert Kvamskogen på heimveg møtte me den våte asfalten att!!

Annonse Tights.no

SLÅ TIL: Opptil 70 % på treningstøy nå

Men turen til Skagen vart eit behageleg avbrekk i det traurige sumarveret i Øygarden dette året.