Me er i gong?
Me er atter på plass og i gong,
med ein heilt ny grillsesong.
Ventar på fyrste varme dagen
til å putta litt brunsvidd svinekjøt i magen.
Så rann dagen den andre mai,
i dag vert det ikkje ovnsbakt pai.
Strålande sol og varme på terrassen,
ut kom grillen og luftmadrassen.
Svinefileten vart fort gjort klar,
grillinga, det var jobben hans far.
Filet og pølser kom på grillen
som eit resultat av vårbasillen.
I dag var gubben heldig «minsanten»,
ikkje noko vart svidd i kanten.
Så han var heldig med grilldebyen,
og lett for han ned, sumarmenyen.
04.05.2015.M-m.
4 kommentarer
Godt at du grilla i går
med varmegrader og himmel klår
I dag er det verre
gradene er ferre
Nordavinden jagar oss inn
me leitar i skåpet og finn
den varmaste jakke
og skal me ut, blir det vinterfrakke.
Oldemorbloggen:
Gubben var ikkje lenge i Paradiset
før høgare makter tok fram riset.
Det regna både i spann og bøtter,
innedag for folk og krøtter.
Dagen vart utan brunsvidd biff
olja med ein terrassaaperitiff.
Nei, no reknar eg med at du har berga inn grillkol, krydder og parasoll. Vårherre vil nok minna oss om at me bur i gamle Noreg nørdst i grendom. og du kan angre på at du ikkje tok ei veke til i Syden. Du får setja ut ei ekstra fortøying på skipet, og venta på at austavinden gir seg. Så i kveld får du gå i hamnekneipa og menga deg med dei andre sjøfolka.
Pedro: Kneipa er stengd i ei grend med mange gamle gubbar, men har fått stilas på huset og administrerer malingsprosessen. Det er ein stor jobb for ein liten gamal gubbe her kor regnbygene kjem tettare enn bilane på E-18. Vårherre tenkjer visst ikkje på kor dyr stillasleiga er. Ha ein fin dag i eit tettbygd strøk…