Dette har vore ein triveleg månad for oss som ser skrått ned på det som hender rundt oss.
På utanriksfronten har me opplevd både sprengkåte og maktsjuke verdsleidarar som opptrer i fri dressur, og innanriks går Sandbergen framleis på overdosar med Møllers tran.
Ja, og så har me VM på ski kor me ramla ned i kollektiv depresjon då me smurde oss bort på 10-kilometeren for kvinner
Men det er jo inga nyheit at me ikkje taklar snøver når me skal ut og tevla på ski!

Google.

Februar 2015.

Blomhoff var ein annsam mann.
Høgvyrd prest og samfunnsstøtte.
Kongens sølv vart tildelt han,
men kva var det då han møtte ?
Jau, sin eigen ustyrlige ereksjon
og lauslivnad for million på million.

Annonsørinnhold

Tid for vårrengjøring? Knalltilbud på robotstøvsugere med mopp

Så var det stordirektøren Strauss-Kahn,
fransk presidentkandidat, må vite.
Det gjekk ikkje betre med han,
så han laut ned frå øvste elite.
Han laut visst ha 6 ? 7 kvinner i senga,
i skamlaus flukt på «høge venga».

Nei, no vart det visst nok erotikk,
her må då vera anna å skriva om.
Gubben får konsentrera seg om politikk
og det som lek ut frå dei lukka rom.
Det stundar også mot VM på ski,
då spørs det om Northug let svensken svi.

Rattsøen er sanneleg ikkje snau
i sin produktivitetsrapport.
Medan byane fyller våre pengetrau
bidreg visst ikkje distrikta stort.
Olje, fisk og landbruk kan leggjast ned,
Det vert visst ikkje pengar av det.

Frp slit med sine lause kanoner,
der kjem det salutt etter salutt.
Usaklege og saftige provokasjoner,
her manglar korkje kuler eller krutt.
No er det Krf som får på pelsen,
skulda for innvandring og terrorfelsen.

På ski har me vorte for gode,
nokon vil visst ha det til det.
Me sopar inn av premiebordet
og kjempar konkurrentane ned.
Men vil ein verta verdsmeister
lyt ein trena så det sler gneister.

Kva hende så ein rufsen snøversdag.
Jau, jentene valde feilsmurde ski.
Det vart eit fåfengd  medaljejag
utan smørjebua sin supergli.
Det vart Kalla og USA sin jubelsong,
for smørjebua bomma denne gong.

Så er det tid for dei glupe kommisjonar.
Politiet i Bergen har dumma seg ut.
Men vert det orden i lovas bastionar,
eller slepp han unna, den gullpryda fut.
Vert vanstyret borte i skodde og ull,
gøymt og gløymt forsøming og skuld?

Vegvesenet er påmeld i avgiftsdansen
med framlegg om køprising på trikken.
Enno ein gong vert Olsen, Berg og Hansen
offer for den vetlause finansakrobatikken.
Skal folk no jagast bort frå buss og trikk,
og over på ein forureinande biltrafikk?

Kva gjer dei i eit av våre granneland
når dei vil kvitta seg med ein brysam opponent
som plagar den store og sterke mann?
Jau, dei hyrer ein revolveragent.
Tre ? fire skot, og problemet er løyst.
På ny har dei stogga ei brysam røyst.
28.02.2015.M-m.