Ettersom oljealderen tek til å skranta vert det viktig å finna andre bein å stå på, difor er det no tida for gode forretningsidear.

Fyrst eit par ord om dei luftforureina byane våre og tiltak for å halda bylufta reinare.

Google
For å redusera biltrafikken i rushtidene har Bergen nett no vedteke å auka bompengane morgon og kveld. Sjølv om dette sikkert vert til ulempe for eindel, trur eg at det er naudsynt å finna ut om slike tiltak kan ha nokon effekt. Tanken er sjølvsagt å prøva å få fleire pendlarar over på offentleg kommunikasjon, og med det ferre bilar inn til bykjerna.
Men hallo, kva seier så vegvesenet og dei offentlege transportselskapa. Jau, dei vil innføra køprising på offentleg transport i rushtidene. Det skal altså verta dyrare for arbeidsreisande med buss/bane i rushtidene. Eg må, for eigen del, seia at dette forslaget er noko av det mest toskete eg har høyrt på ei stund.
Har vegvesenet, i tillegg til ein overdose Møllers tran også fått i seg høgoktan bensin.
Her treng eg hjelp frå folk med meir vit enn det eg har, for i mitt hovud vert det slik at når både bomsatsar for bilane og bussbiletten aukar i rushtidene vi tilstanden på innfartsvegane verta “status quo”. Kven vil røma frå høgare bomsatsar til høgare bussprisar???

Nei, dette må koka ned til å vera eit lite gjennomtenkt forslag til ein ny forretningside for finansiering av offentleg kommunikasjon. I mitt hovud burde det vera slik at samstundes som ein innfører høgare bomavgifter for bilane bør billettprisen på offentleg transport gå radikalt ned. Det kunne kanskje hatt ein ynskt effekt.