Ettersom julestria og store deler av jula no er over, kan det kanskje vera greitt å sjå litt attende på ein førjulsaktivitet som det har vore mange deltakarar på, nemleg leiting etter ting og tang på handlesentra..
Det har sikkert vore ei triveleg jul for dei fleste, og no kan me kanskje ta oss tid til å finna det løgne i enkelte førjulsaktivitetar som kanskje, der og då var litt heftige eller pinlege.

Google

Handlesenterpolka.

No vil eg fortelje kva som hende sist veke.
Gubben laut ha seg ein tur på apoteket.
Han laut fylla oppatt medisinkista.
Viktig supplement til frukostnista.

Annonse Tights.no

SLÅ TIL: Opptil 70 % på treningstøy nå

Kjøpesenteret freista også frua,
mykje flott var der sjølvsagt å skua.
Tida gjekk, og gubben lei og sur,
såg fram til dagens middagslur.

Ein høveleg benk ville han finna,
og frua kunne rundt på senteret «spinna».
Brått fann han det han ville ha,
sette seg på benken, sliten og glad.

Medan frua fortsette shoppingrunden
sat han der, den slitne benkekunden.
Huva la han fram på eine sida.
Lutte fram, sovna, og var ute or tida.

Etter ei stund med leiting og øving
fekk frua nok av pruting og prøving.
Ho tok til å leita etter gubben sin.
Fann han sovande med ein pose medisin.

Her hadde han sove ein times tid
medan senterkundane seig forbi.
Tykte dei synd på den gamle karen
som framsto som litt ille faren.

Han var langt borte frå denne verda,
så frua laut rista han i kraftig i herda.
«Sit du her og søv?» kom det frå frua.
Han vakna og såg det låg pengar i huva.
23.12.2014.M-m.